Website URL:
   BBC News, සිංහලඅන්තර්ගතයට පිවිසෙන්න
   (BUTTON) අංශ
     * මුල් පිටුව
     * ශ්‍රී ලංකා
     * ලෝකය
     * විශේෂාංග

     * මුල් පිටුව
     * ශ්‍රී ලංකා
     * ලෝකය
     * විශේෂාංග

අරන්තලාව භික්ෂු ඝාතනය ගැන පරීක්ෂණයක් ඉල්ලා ශ්‍රේෂ්ඨාධිකරණයට පෙත්සමක්

   30 ජූනි 2020
   අරන්තලාව සංහාරයේදී ඝාතනය කෙරුණු භික්ෂූන් වහන්සේ අනුස්මරණය කොට පැවති ගුණසමරු උළෙලක සංරක්ෂිත ඡායාරූපයක්
   ඡායාරූප ශීර්ෂ වැකිය,

   අරන්තලාව සංහාරයේදී ඝාතනය කෙරුණු භික්ෂූන් වහන්සේ අනුස්මරණය කොට පැවති ගුණසමරු උළෙලක සංරක්ෂිත ඡායාරූපයක්

   1987 වසරේ මහත් ආන්දෝලනයකට තුඩු දුන් අරන්තලාව භික්ෂු ඝාතන සිදු කළ දැනට ජීවතුන් අතර සිටින පුද්ගලයින්ට එරෙහිව වහාම පරීක්ෂණයක් පවත්වන මෙන් නියෝගයක් නිකුත් කරන්නැයි ඉල්ලා ශ්‍රේෂ්ඨාධිකරණය වෙත මූලික අයිතිවාසිකම් පෙත්සමක් ගොනුකර තිබේ.

   පෙත්සම ඉදිරිපත් කරනු ලැබ තිබෙන්නේ අරන්තලාව ත්‍රස්ත ප්‍රහාරයෙන් තුවාල ලබා දිවි ගලවා ගත් ආඳාඋල්පත බුද්ධසාර හිමියන් විසිනි.

   නීතිපතිවරයා, වැඩබලන පොලිස්පති චන්දන වික්‍රමරත්න සහ රාජ්‍ය බුද්ධි සේවයේ ප්‍රධානී සුරේෂ් සලේ යන අය එම පෙත්සමේ වග උත්තරකරුවන් ලෙස නම් කර තිබේ.

   දෙමළ කොටි කැරලිකරුවන් විසින් 1987 වසරේ ජුනි මස 02 වනදා එල්ල කළ ත්‍රස්ත ප්‍රහාරයකින් භික්ෂූන් වහන්සේ 31 නමක් සහ සිවිල් වැසියන් පිරිසක් ඝාතනයට ලක් වූ බව බුද්ධසාර හිමියෝ සිය පෙත්සමේ සඳහන් කරති.

   අරන්තලාව ප්‍රහාරයට සම්බන්ධ බොහෝ දෙනෙක් තවමත් ජීවතුන් අතර සිටින බව පවසන පෙත්සම්කාර හිමියන් ඔවුන් සම්බන්ධයෙන් මෙතෙක් නීතිය ක්‍රියාත්මක වී නොමැති බවත් පෙන්වා දෙති.
   මෙහි කිසිවක් අඩංගු නැත.

   උන්වහන්සේ ශ්‍රේෂ්ඨාධිකරණයෙන් ඉල්ලා සිටින්නේ, මෙම සිද්ධියට වගකිවයුතු, දැනට ජීවතුන් අතර සිටින පුද්ගලයින්ට එරෙහිව වහා නීතිය ක්‍රියාත්මක කරන ලෙස වැඩ බලන පොලිස්පතිවරයා ඇතුළු වගඋත්තරකරුවන්ට නියෝගයක් නිකුත් කරන ලෙසය.
     * අරන්තලාවේ සිට සාම පණිවිඩයක් 

   එම ත්‍රස්ත ප්‍රහාරයෙන් සිදු වූ මූලික අයිතීන් උල්ලංඝනය වෙනුවෙන් රුපියල් කෝටි 2ක වන්දියක් රජයෙන් අය කර දෙන නියෝගයක් නිකුත් කරන ලෙස ද උන්වහන්සේ වැඩිදුරටත් සිය පෙත්සමෙන් ඉල්ලා සිටිති.

අරන්තලාවේ සිදුවූයේ කුමක්ද?

   1987 ජුනි 02 වෙනි දින එල්ටීටී සංවිධානය විසින්, උතුරු නැගෙනහිර අධිකරණ සංඝනායක හෑගොඩ ශ්‍රී ඉන්ද්‍රසාර නාහිමි ඇතුළු තිස් එක් නමක් අම්පාර දිස්ත්‍රික්කයේ අරන්තලාවේදී ඝාතනය කරන ලදි.
   අරන්තලාව සංහාරයේදී ඝාතනය කෙරුණු භික්ෂූන් වහන්සේ අනුස්මරණය කොට පැවති ගුණසමරු උළෙලක සංරක්ෂිත ඡායාරූපයක්
   ඡායාරූප ශීර්ෂ වැකිය,

   අරන්තලාව සංහාරයේදී ඝාතනය කෙරුණු භික්ෂූන් වහන්සේ අනුස්මරණය කොට පැවති ගුණසමරු උළෙලක සංරක්ෂිත ඡායාරූපයක්

   ප්‍රහාරයෙන් දරුණු තුවාල ලැබූ එක් හිමිනමක් ආබාධිත බවට පත්වූ අතර, තවත් භික්ෂූන් වහන්සේ තුන් නමක් ද බරපතල තුවාල ලැබූහ.

   එය, දශක තුනකට ආසන්න සිවිල් යුද්ධය සමයේ කොටි කැරලිකරුවන් විසින් සිදු කරන ලද දරුණුම සංහාරයක් ලෙසින් සැලකේ.
     * කරුණා අම්මාන් ප්‍රකාශය: දේශපාලන වෙස් මුහුණු ගැලවීමක් ද? 

   එම ඝාතනය සඳහා අණ දුන් බවට එවක එල්ටීටී සංවිධානයේ ප්‍රධාන පෙළේ නායකයකු ලෙස සැලකුණු කරුණා අම්මාන් හෙවත් විනායගමූර්ති මුරලිදරන්ට චෝදනා එල්ල වී තිබේ.

   අරන්තලාව භික්ෂු සංහාරය, එල්ටීටීඊ වෙත භාර වූ 600 කට ආසන්න පොලිස් නිලධාරීන් පිරිසක් ඝාතනය කිරීම සහ 'හමුදා භටයින් දහස් ගණනක් මරා දැමූ' බවට ඔහු කළ ප්‍රකාශය ඇතුළු චෝදනා සම්බන්ධයෙන් කරුණා අම්මාන් අත්අඩංගුවට ගෙන නීතිය ක්‍රියාත්මක කරන මෙන් තවත් ඉල්ලීම් මතුවෙමින් පවතී.

   ඉහත කී ප්‍රකාශය තුළින් කරුණා අම්මාන් දණ්ඩ නීති සංග්‍රහයේ 293 සහ 294 යන වගන්ති යටතේ සඳහන් වැරදි මෙන්ම ත්‍රස්තවාදය වැළැක්වීමේ පනත සහ එක්සත් ජාතීන්ගේ සිවිල් හා දේශපාලන අයිතීන් පිළිබඳ සම්මුති පනත (ICCPR) යටතේ වරදක් සිදුකර ඇති බව, කඩුවෙල නගර සභාවේ නාගරික මන්ත්‍රීවරයෙකු හා උපකාරක පන්ති ගුරුවරයකු වන බෝසෙත් කලෙහේ පතිරණ විසින් ශ්‍රේෂ්ඨාධිකරණය වෙත ගොනු කරනු තිබෙන පෙත්සමක දැක්වේ.

   කියවන්න:
     * කරුණා අම්මාන් 'අත්අඩංගුවට ගන්න' - අධිකරණයට පෙත්සමක් 
     * අරන්තලාවේ භික්ෂු ඝාතනයට වසර තිහක්
     * එල්ටීටීඊ අපරාධ ගැනත් සොයන්න -නවී පිල්ලේ ගෙන් ඉල්ලයි

ප්‍රධාන පුවත

     *

ජනාධිපති ගෝඨාභය ඇත්තටම ආරක්‍ෂක ඇමති ද?
       2020 අගෝස්තු 14
     *

ට්‍රම්ප්, කමලා හැරිස්ගේ 'උප්පැන්නය' අවුස්සයි
       පැය 7 කට පෙර
     *

කොරෝනා සටනින් මිනිසාට ජය ලැබේවි ද?
       2020 අගෝස්තු 14

දැක්ම

     *

ජාතික ලැයිස්තුව: විමලතිස්ස හිමියන් සොයා පොලිසිය නිවසක් වටලයි
       2020 අගෝස්තු 11
     *

ජාතික ලැයිස්තු මන්ත්‍රීවරුන් පත්කිරීම ගැන 'අර්බුදයක්'
       2020 අගෝස්තු 10
     *

මහින්ද රාජපක්ෂ සිව් වන වරටත් අගමැති ලෙස දිවුරුම් දෙයි
       2020 අගෝස්තු 9
     *

ශ්‍රී ලංකාවේ නව රජය හමුවට මුලින්ම එන අභියෝග
       2020 අගෝස්තු 7
     *

2020 මහ මැතිවරණයේ මූලික ඡන්ද ප්‍රතිඵල අනුව පොහොට්ටුවට විශිෂ්ඨ ජයක්
       2020 අගෝස්තු 6
     *

2020 පාර්ලිමේන්තු මැතිවරණය: මැතිවරණ දිනයේ පෙළ ගැසීම් 
       2020 අගෝස්තු 5
     *

''ගෝඨාභය බලයට පත් කළේ මේවා රකින්න මිසක් විකුණන්න නෙමෙයි''
       2020 ජූලි 22
     *

කෝවිඩ්-19 මාර්ගෝපදේශ නීතිගත කළ යුත්තේ ඇයි? - PHIවරු කියන කතාව
       2020 ජූලි 17
     *

''සෞඛ්‍ය රෙගුලාසි අනුගමනය කළේ නැතිනම් ඡන්දය තියන්න බෑ''
       2020 ජූලි 16

වැඩිපුරම කියැවූ

    1. 1
       ජනාධිපති ගෝඨාභය ඇත්තටම ආරක්‍ෂක ඇමති ද?
    2. 2
       ටී රෙක්ස් වර්ගයේ නව ඩයිනසෝරයෙක් සොයා ගනී
    3. 3
       කොරෝනා සටනින් මිනිසාට ජය ලැබේවි ද?
    4. 4
       ට්‍රම්ප්, කමලා හැරිස්ගේ 'උප්පැන්නය' අවුස්සයි
    5. 5
       ශ්‍රී ලංකාවේ සුවිශේෂී කාන්තාවන් 12 අතරට ගිය කස්තුරි චෙල්ලරාජා විල්සන්

   BBC News, සිංහල
     * ඔබට බීබීසී විශ්වාස කළ හැක්කේ ඇයි
     * භාවිතයේ කොන්දේසි
     * පෞද්ගලිකත්ව ප්‍රතිපත්තිය
     * කුකීස්
     * බීබීසී අමතන්න
     * AdChoices / Do Not Sell My Info

   © 2020 BBC. බාහිර වෙබ් අඩවිවල අන්තර්ගතයට බීබීසී වගකියනු නොලැබේ. බාහිර යොමු කෙරෙහි අපගේ ප්‍රවේශය ගැන කියවන්න.