Website URL:
   BBC News, සිංහලඅන්තර්ගතයට පිවිසෙන්න
   (BUTTON) අංශ
     * මුල් පිටුව
     * ශ්‍රී ලංකා
     * ලෝකය
     * විශේෂාංග

     * මුල් පිටුව
     * ශ්‍රී ලංකා
     * ලෝකය
     * විශේෂාංග

ළමා ලිංගික අපයෝජන: බෞද්ධ භික්ෂුවකට බරපතල වැඩ සහිත සිර දඬුවම්

   18 ජූනි 2020
   Sunday School in Sri Lanka

   ඡායාරූප මූලාශ්‍රය, Getty Images

   දහම් පාසල් අධ්‍යාපනය ලබා ගැනීම සඳහා පැමිණි නව හැවිරිදි දැරියකට බරපතළ ලිංගික අපයෝජන සිදු කිරීමේ චෝදනාවට වරදකරු කෙරුණු බෞද්ධ භික්ෂුවකට කොළඹ මහාධිකරණය විසින් බරපතළ වැඩ සහිත 08 වසරක සිර දඬුවම් නියම කරනු ලැබිණ.

   කොළොන්නාව ප්‍රදේශයේ විහාරස්ථානයක විහාරාධිපති ධූරය දරන 47 හැවිරිදි විත්තිකාර මිහිරිපැන්නේ සඳසිරි භික්ෂුවට රුපියල් දස දහසක දඩයක් ද නියම කළ කොළඹ මහාධිකරණ විනිසුරු විකුම් කළුආරච්චි, එම දඩ මුදල ගෙවීම පැහැර හරිනු ලැබුවහොත් අමතරව මාස 03 ලිහිල් සිර දඬුවම් නියම කරන බව ද පැවසීය.

   එමෙන්ම අතවරයට පත් දැරියට රුපියල් 30,000/- ක් වන්දියක් ගෙවන ලෙසත් එම වන්දිය ගෙවීම පැහැර හරිනු ලැබුවහොත්, එම මුදල දණ්ඩනයක් වශයෙන් අය කර ගන්නා ලෙසද නියෝග කළ විනිසුරුවරයා එම දණ්ඩන මුදල ද ගෙවීම පැහැර හරිනු ලැබුවහොත් විත්තිකරුට තවත් මාස 8 ක ලිහිල් සිර දඬුවම් නියම කිරීමට ද නියෝග කළේය.

   2010 වසරේ නොවැම්බර් මස 27 න දින කොළොන්නාව ප්‍රදේශයේ විහාරස්ථානයක විහාරාධිපති ලෙස කටයුතු කළ විත්තිකාර භික්ෂුව විසින් දහම් පාසැල් අධ්‍යාපනය ලබා ගැනීම සඳහා පැමිණි නව හැවිරිදි දැරියකට බරපතළ ලිංගික අපයෝජනයක් සිදු කිරීම සම්බන්ධයෙන් නීතිපතිවරයා විසින් ඔහුට එරෙහිව මෙම නඩුව ගොනු කර තිබිණ.
   ශ්‍රී ලංකාවේ භික්ෂූන් වහන්සේ

   ඡායාරූප මූලාශ්‍රය, Getty Images

   දීර්ඝ නඩු විභාගයකින් පසුව තීන්දුව ප්‍රකාශයට පත් කළ මහාධිකරණ විනිසුරු විකුම් කළුආරච්චි සඳහන් කළේ, විත්තිකරුට එරෙහිව එල්ල කර තිබෙන චෝදනා සාධාරණ සැකයකින් තොරව ඔප්පු වී තිබෙන බැවින්, ඔහු එම චෝදනාවට වරදකරු කරන බවය.

   විත්තිකරු විසින් සිදු කර තිබෙන වරද ඉතා බරපතළ යැයි සඳහන් කළ විනිසුරුවරයා, භික්ෂුවක් වූ විත්තිකරු විශ්වාස කරමින් දහම් අධ්‍යාපනය ලැබීම සඳහා පැමිණි කුඩා දැරියකට මෙවැනි අතවරයක් සිදු කිරීම තම අධිකරණයට සුළු කොට තැකිය නොහැකි බවද සඳහන් කළේය.

   විත්තිකරු විහාරස්ථාන තුනක විහාරාධිපතිත්වය දරමින් ශාසනයට විශාල සේවයක් සිදු කර ඇති හෙයින් ඔහුට ලිහිල් දඬුවමක් නියම කරන ලෙස විත්තියේ නීතිඥවරයා අධිකරණයෙන් ඉල්ලා සිටියේය.

   එහෙත් පැමිණිල්ල වෙනුවෙන් පෙනී සිටි රජයේ අධිනීතිඥ නිශාරා ජයරත්න අධිකරණය හමුවේ සඳහන් කළේ, විත්තිකරු විසින් කළ හෝ කරනු ලැබූ සේවාවන් දඬුවම් නියම කිරීමේ දී අදාළ කර ගත නොහැකි බවය.

'භික්ෂුණියකට ලිංගික අතවර'

   පදවිය ප්‍රදේශයේ දහ තුන් හැවිරිදි දැරියක දූෂණය කිරීමේ චෝදනාව යටතේ පසුගියදා අත්අඩංගුවට ගනු ලැබූ මෝදරවානේ අමිලසිරි නම් බෞද්ධ භික්ෂුව රක්ෂිත බන්ධනාගාරගත කෙරිණ.

   එහිමියන් එසේ අත්අඩංගුවට ගෙන තිබුණේ, ඊට ඉහතදී සාමනේර හිමිනමක් සහ බෞද්ධ භික්ෂුණියක් දූෂණය කිරීමේ චෝදනා සම්බන්ධයෙන් ද සැකකරුවකුව ඇප මත මුදා හරිනු ලැබ තිබියදීය.

   සැකකාර හිමිනමට සහ එහිමියන්ගේ රියදුරු සුදේශ් නම් පුද්ගලයාට එරෙහිව තවත් ළමා ලිංගික අපචාර ගණනාවක් පිළිබඳව ද චෝදනා එල්ල වී තිබෙන බව පොලිසිය පැවසීය.
     * දැරියක 'දූෂණය කොට සසුන්ගත කරලා'

   2012 ජුනි මාසයේ බීබීසී සිංහල සේවය විසින් කරන ලද ගවේෂණයකට අනුව, ළමා ලිංගික අපයෝජන සහ ළමුන්ට හිංසා කිරීම සම්බන්ධයෙන් ශ්‍රී ලංකාවේ භික්ෂූන් වහන්සේ 110 කට වැඩි පිරිසකට එරෙහිව දශකයක් පමණ කාලයක් ඇතුළත අධිකරණයේ නඩු පවරනු ලැබ තිබිණ.

   කෙසේ වුවත් ඒ අතරින් ළමා අපයෝජන සම්බන්ධයෙන් දඬුවම් ලබා තිබුණේ බෞද්ධ භික්ෂූන් තිදෙනෙකු පමණක් බව ද ජාතික ළමාරක්ෂක අධිකාරියේ වාර්තාවල දැක්විණ.

   දැරියක දූෂණය කිරීම සම්බන්ධයෙන් එසේ වරදකරු කෙරුණ එක් හිමිනමක් වස පානය කොට දිවි නසාගත් බවත් වාර්තාවල දැක්වේ.

   වැඩිදුර කරුණු විමසීම පිණිස ළමාරක්ෂක අධිකාරියේ සභාපති, මහාචාර්ය මුදිත විදානපතිරණ ඇමතීමට බීබීසී සිංහල සේවය දැරූ උත්සාහය සාර්ථක නොවීය.

මේ තොරතුරුද කියවන්න:

     * ළමා ලිංගික අපචාර: අපේ හතේ පොත සහ සය හැවිරිදි දැරිය ගැන 'දෙබිඩි පිළිවෙතක්' 
     * සය හැවිරිදි දැරියකට ලිංගික අපයෝජන කිරීම ගැන 'පරීක්ෂණ යටපත් වෙලා'
     * ළමුන් වෙනුවෙන් එක්සත් ජාතීන් හමුවට ගිය ශ්‍රී ලාංකික වෛද්‍යවරිය
     * සිය පියාගේ මිතුරන්ට ගොදුරු වූ ඉන්දීය දැරියක් කියන කතාවක්
     * ළමා ලිංගික ශ්‍රමිකයන් 'අවම කිරීමට වැඩපිළිවෙළක්' 

ප්‍රධාන පුවත

     *

ජනාධිපති ගෝඨාභය ඇත්තටම ආරක්‍ෂක ඇමති ද?
       2020 අගෝස්තු 14
     *

ට්‍රම්ප්, කමලා හැරිස්ගේ 'උප්පැන්නය' අවුස්සයි
       පැය 8 කට පෙර
     *

කොරෝනා සටනින් මිනිසාට ජය ලැබේවි ද?
       2020 අගෝස්තු 14

දැක්ම

     *

ජාතික ලැයිස්තුව: විමලතිස්ස හිමියන් සොයා පොලිසිය නිවසක් වටලයි
       2020 අගෝස්තු 11
     *

ජාතික ලැයිස්තු මන්ත්‍රීවරුන් පත්කිරීම ගැන 'අර්බුදයක්'
       2020 අගෝස්තු 10
     *

මහින්ද රාජපක්ෂ සිව් වන වරටත් අගමැති ලෙස දිවුරුම් දෙයි
       2020 අගෝස්තු 9
     *

ශ්‍රී ලංකාවේ නව රජය හමුවට මුලින්ම එන අභියෝග
       2020 අගෝස්තු 7
     *

2020 මහ මැතිවරණයේ මූලික ඡන්ද ප්‍රතිඵල අනුව පොහොට්ටුවට විශිෂ්ඨ ජයක්
       2020 අගෝස්තු 6
     *

2020 පාර්ලිමේන්තු මැතිවරණය: මැතිවරණ දිනයේ පෙළ ගැසීම් 
       2020 අගෝස්තු 5
     *

''ගෝඨාභය බලයට පත් කළේ මේවා රකින්න මිසක් විකුණන්න නෙමෙයි''
       2020 ජූලි 22
     *

කෝවිඩ්-19 මාර්ගෝපදේශ නීතිගත කළ යුත්තේ ඇයි? - PHIවරු කියන කතාව
       2020 ජූලි 17
     *

''සෞඛ්‍ය රෙගුලාසි අනුගමනය කළේ නැතිනම් ඡන්දය තියන්න බෑ''
       2020 ජූලි 16

වැඩිපුරම කියැවූ

    1. 1
       ජනාධිපති ගෝඨාභය ඇත්තටම ආරක්‍ෂක ඇමති ද?
    2. 2
       ටී රෙක්ස් වර්ගයේ නව ඩයිනසෝරයෙක් සොයා ගනී
    3. 3
       ට්‍රම්ප්, කමලා හැරිස්ගේ 'උප්පැන්නය' අවුස්සයි
    4. 4
       කොරෝනා සටනින් මිනිසාට ජය ලැබේවි ද?
    5. 5
       ශ්‍රී ලංකාවේ සුවිශේෂී කාන්තාවන් 12 අතරට ගිය කස්තුරි චෙල්ලරාජා විල්සන්

   BBC News, සිංහල
     * ඔබට බීබීසී විශ්වාස කළ හැක්කේ ඇයි
     * භාවිතයේ කොන්දේසි
     * පෞද්ගලිකත්ව ප්‍රතිපත්තිය
     * කුකීස්
     * බීබීසී අමතන්න
     * AdChoices / Do Not Sell My Info

   © 2020 BBC. බාහිර වෙබ් අඩවිවල අන්තර්ගතයට බීබීසී වගකියනු නොලැබේ. බාහිර යොමු කෙරෙහි අපගේ ප්‍රවේශය ගැන කියවන්න.