Website URL:
   BBC News, සිංහලඅන්තර්ගතයට පිවිසෙන්න
   (BUTTON) අංශ
     * මුල් පිටුව
     * ශ්‍රී ලංකා
     * ලෝකය
     * විශේෂාංග

     * මුල් පිටුව
     * ශ්‍රී ලංකා
     * ලෝකය
     * විශේෂාංග

"ස්විස් දේවගැතිවරයා" ඇසුරු කළ අයෙකුට කොරෝනා වෛරසය

   23 මාර්තු 2020
   පොලිස් මාර්ග බාධක යොදවා ඇති ආකාරය
   ඡායාරූප ශීර්ෂ වැකිය,

   පොලිස් මාර්ග බාධක යොදවා ඇති ආකාරය

   යාපනය, අරියාලෙයි ප්‍රදේශයේ දේවස්ථානයක දේව මෙහෙයක් පැවැත්වූ, නව කොරෝනාවෛරසය ආසාදිත දේවගැතිවරයා ඇසුරු කළ අයෙකුට ද එම වෛරසය ශරීරගත වී ඇති බව තහවුරු වී ඇතැයි සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ පැවසීය.

   එම පුද්ගලයා දේව මෙහෙයට සහභාගි වූ අයෙකු නොවන අතර දේවගැතිවරයා ලැගුම්ගෙන සිටි ස්ථානයට ගොස් ඔහු හමුවූ අයෙකි.

   අදාළ දේව මෙහෙයට සහභාගි වූ පුද්ගලයන් 240 දෙනෙකු සදුදා (මාර්තු 23) වන විට හඳුනාගෙන ඇතැයි උතුරු පළාත් ආණ්ඩුකාර, පී එස් එම් චාල්ස් බීබීසී සිංහල සේවයට කියා සිටියාය.

   "පුද්ගලයන් 240ක් ආරක්ෂක අංශවල අධික්ෂණය මත තමන්ගේ නිවෙස් තුළ ම නිරෝධායනයට ලක් වෙනවා. එම දේවගැතිවරයාව සමීපව ඇසුරු කළ පුද්ගලයන් 20 දෙනෙක් හමුදාව පවත්වාගෙන යන නිරෝධායන මධ්‍යස්ථානයක සිටිනවා. ඒ අය සෞඛ්‍ය නිලධාරීන්ගේ සහ ආරක්ෂක නිලධාරිගේ අධීක්ෂණයට ලක්වෙනවා. අද වන විට උතුරු පළාත ලොක්ඩවුන්. හෙට තත්ත්වය සලකා බලා තීරණයක් ගන්නවා,'' යනුවෙන් උතුරු පළාත් ආණ්ඩුකාරවරිය වැඩිදුරත් පැවසුවාය.

   යුරෝපය හා අනෙකුත් රටවල සිට පැමිණි, යාපනය, මන්නාරම, වවුනියා, කිලිනොචිචි හා මුලතිව් යන දිස්ත්‍රික්කවල ජීවත් වන 880 දෙනෙකු ස්වයං නිරෝධායනයට ලක්කර තිබේ.

ඇඳිරි නීතිය ක්‍රියාත්මක වන ආකාරය

   කොළඹ, ගම්පහ, පුත්තලම දිස්ත්‍රික්ක සහ උතුරු පළාතේ දිස්ත්‍රික්ක 05 තුළ ක්‍රියාත්මක ඇඳිරි නීතිය මාර්තු 24 පෙරවරු 6.00ට ඉවත් කෙරේ. එම දිස්ත්‍රික්කවල එදින දහවල් 12.00ට නැවත ඇඳිරි නීතිය ක්‍රියාත්මක කෙරෙන අතර, එය මාර්තු 27 වන සිකුරාදා උදේ 6.00 තෙක් බලපැවැත්වේ. එම දිස්ත්‍රික්කවල 27 වන දා දහවල් 12.00ට ඇඳිරි නීතිය යළි පනවනු ලැබේ.

   සෙසු දිස්ත්‍රික්කවල මාර්තු 23 දහවල් 2.00ට ඇඳිරි නීතිය යළි ක්‍රියාත්මක වේ. එය 26 බ්‍රහස්පතින්දා උදේ 6.00 ට ඉවත් කෙරෙන අතර එදින ම දහවල් 12.00 ට නැවත පනවනු ලැබේ.

   දිවයිනේ සියලු දිස්ත්‍රික්ක අතර ගමනාගමනය සම්පූර්ණයෙන් ම තහනම් කර ඇත. එසේ ම විදේශීය සංචාරකයන් තැනින් තැනට ගෙන යාම ද සම්පූර්ණයෙන් තහනම් වෙයි.

   ඇඳිරි නීතිය බලපැවැත්වෙන කාලය තුළ කවර දිස්ත්‍රික්කයක වුව ද ගොවිතැන් වැඩ කිරීමට අවසර ඇත. සහල් ඇතුළු අත්‍යවශ්‍ය ද්‍රව්‍ය සහ එළවළු ප්‍රවාහනයට අවසර දෙනු ලැබේ.

ඇඳිරි නීතිය උල්ලංඝණය කළ 1754ක් අත්අඩංගුවට

   මාර්තු 20 වන සිකුරාදා පස්වරු 6.00 සිට මාර්තු 23 සඳුදා පෙරවරු 6.00 දක්වා ඇඳිරි නීතිය ක්‍රියාත්මක කාලය තුළ, ඇඳිරි නීතිය කඩ කළ පුද්ගලයන් 1754 දෙනෙකු අත්අඩංගුවට ගෙන ඇතැයි පොලිස් මූලස්ථානය පවසයි. එම පුද්ගලයන් ගමන් කළ වාහන 447ක් ද පොලීසිය භාරයට ගෙන තිබේ.

   වැඩි ම පිරිසක් අත්අඩංගුවට ගෙන තිබෙන්නේ නිකරුණේ මාර්ගයේ ගමන් කිරීමේ චෝදනාව මතය.

   ක්‍රීඩා පිටියක පිරිසක් වශයෙන් එක්රැස්ව මත්පැන් පානය කිරීම, වාහන වලින් ගමන් කිරීම, බීමත්ව මාර්ගයේ අශෝබන ලෙස හැසිරීම සහ වෙළඳාම් කිරීම සැකකරුවන් අත්අඩංගුවට ගැනීමේ සෙසු චෝදනා අතර වේ.

   නව කොරෝනාවෛරසය වැළඳුණු බවට ශ්‍රී ලංකාව තුළ තහවුරු වූ රෝගීන් සංඛ්‍යාව 87ක් බව වසංගත රෝග විද්‍යා අංශය පවසයි. රෝහල්ගතව ප්‍රතිකාර ලබන සංඛ්‍යාව 227කි.

   මාර්තු 23 දා පෙරවරු හයට ඇඳිරි නීතිය ඉවත්කළ ප්‍රදේශ වල පිහිටි වෙළෙඳසල්, ඉන්ධන පිරවුම්හල්, බැංකු හා වෛද්‍ය මධ්‍යස්ථාන ආශ්‍රිතව දිගු පෝලිම් දක්නට ලැබුණු අතර පොලිස් නිලධාරීන් ද යොදවා තිබිණි.

   අත්‍යවශ්‍ය භාණ්ඩ මිලදී ගැනීමට යන විට පුද්ගලයන් දෙදෙනෙකු අතර පරතරය මීටරයක් පමණ තබා ගන්නැයි කළ ඉල්ලීම්වලට බොහෝ දෙනෙකුගෙන් යහපත් ප්‍රතිචාර ලැබුණු බව සෞඛ්‍ය නිලධාරීහු පවසති.
     * කොරෝනා වෛරසය: "පදනමක් නැති උපදෙස් පිළිපදින්න එපා"
     * කොරෝනා වෛරසය සමග සිරුරේ ප්‍රතිශක්තිය සටන් කරන්නේ කෙසේ ද? 

ප්‍රධාන පුවත

     *

ක්‍රිකට් ලෝක කුසලානය: 'තරඟ පාවාදීමක්' ගැන පොලිස් පරීක්ෂණය නවතී
       2011 ක්‍රිකට් ලෝක කුසලාන අවසාන මහා තරගය පාවා දුන් බවට එල්ලවන චෝදනා පිළිබඳ විමර්ශනයක් පැවැත්වීමට තරම් සාක්ෂි ඉදිරිපත් වී නොමැති බව ICC හෙවත් ජාත්‍යන්තර ක්‍රිකට් කවුන්සිලය පවසයි.
       2020 ජූලි 3
     *

කොළඹ වරායේ වර්ජනය සහ ඉන්දීය සම්බන්ධය ගැන මේ කරුණු දැන සිටියාද ?
       ඉල්ලීම් දෙකක් මුල් කර ගනිමින්, සියලු දේශපාලන පක්ෂ වලට සම්බන්ධ වෘත්තීය සමිති විසින් දියත් කර තිබුණ කොළඹ වරායේ සේවක වර්ජනය අවසන්.
       2020 ජූලි 3
     *

2020 මහ මැතිවරණය: අපේක්ෂකයෝ කවුද?
       මෙවර මහ මැතිවරණයට ඉදිරිපත්වන අපේක්ෂකයින්, අලුත් මුහුණු, සමාජ මාධ්‍ය ජාල හැසිරීම සහ කාන්තා හිමිකම් ඇතුළු කරුණු පිළිබඳ විමසුමකි, මේ.
       2020 ජූලි 3

දැක්ම

     *

අරන්තලාව භික්ෂු ඝාතනය ගැන පරීක්ෂණයක් ඉල්ලයි
       පෙත්සම ඉදිරිපත් කරනු ලැබ තිබෙන්නේ අරන්තලාව ත්‍රස්ත ප්‍රහාරයෙන් තුවාල ලබා දිවි ගලවා ගත් ආඳාඋල්පත බුද්ධසාර හිමියන් විසිනි.
       2020 ජූනි 30
     *

වැලිකඩ ඝාතන නඩුවේ සැකකරුවන්ට අවවාද
       නීතිය සීමාව තුළ රැඳී සිටිමින් කටයුතු නොකරන්නේ නම් ඇප අවලංගු කොට රක්ෂිත බන්ධනාගාර ගත කිරීමට සිදුවිය හැකි බවට වැලිකඩ සිරකරු ඝාතන නඩුවේ විත්තිකරුවන්ට අවවාද.
       2020 ජූනි 26
     *

කරුණා අම්මාන් 'අත්අඩංගුවට ගන්න' - අධිකරණයට පෙත්සමක්
       දණ්ඩ නීති සංග්‍රහය යටතේ මෙන්ම ත්‍රස්තවාදය වැළැක්වීමේ පනත සහ ICCPR පනත යටතේ ද කරුණා අම්මාන් වරදක් සිදුකර ඇති බව පෙත්සම්කරු පවසයි.
       2020 ජූනි 25
     *

කරන්නාගොඩට එරෙහි නඩු විභාගයට අතුරු තහනම් නියෝගයක්
       රිට් පෙත්සම් විභාගය කොට අවසන් තීන්දුවක් ලබා දෙන තුරු මෙම අතුරු තහනම් නියෝගය බලපැවැත්වේ.
       2020 ජූනි 25
     *

ළමා ලිංගික අපයෝජන: භික්ෂුවකට සිර දඬුවම්
       දහම් පාසල් අධ්‍යාපනය ලබා ගැනීම සඳහා පැමිණි නව හැවිරිදි දැරියකට බරපතළ ලිංගික අපයෝජන සිදු කිරීමේ චෝදනාවට වරදකරු කෙරුණු බෞද්ධ භික්ෂුවකට වසර 08 ක සිර දඬුවමක්.
       2020 ජූනි 18
     *

කෝවිඩ්-19 රෝගීන්ට ප්‍රතිකාර කළ සෞඛ්‍ය සේවකයින්ට දීමනා ප්‍රමාද වූයේ ඇයි?
       බස්නාහිර පළාතේ සහ තවත් පළාත් කිහිපයක සෞඛ්‍ය කාර්ය මණ්ඩලවලට "අදාළ වැටුප් දීමනා මාස තුනක් නිසියාකාරව නොගෙවීම සම්බන්ධයෙන් විරෝධතා" දක්වන ආකාරය පසුගිය දින කිහිපයේදී මාධ්‍ය ඔස්සේ දක්නට ලැබිණි.
       2020 ජූනි 19
     *

මාධ්‍යවේදිනී දරීෂා බැස්ටියන්ගේ පරිගණකය රස පරීක්ෂක වෙත
       මාධ්‍යවේදිනී දරීෂා බැස්ටියන්ට අයත් ලැප්ටොප් පරිගණකය රජයේ රස පරීක්ෂකවරයා වෙත යොමු කර වාර්තාවක් කැඳවන ලෙස අධිකරණය අපරාධ පරීක්ෂණ දෙපාර්තමේන්තුවට නියෝග කරයි.
       2020 ජූනි 16
     *

කොල්ලුපිටියේ පොලිස් පහරදීම: "ඇමෙරිකාවට වැඩිය ඇමෙරිකාව ආරක්ෂා කරනවා"
       "ජෝර්ජ් ෆ්ලොයිඩ් ඝාතනයට සහ ජාතිවාදයට එරෙහිව" සංවිධානය කර තිබුණු උද්ඝෝෂණය මැඩ පැවැත්වීම සඳහා පොලිසිය එල්ල කළ ප්‍රහාරය ගැන දැඩි විවේචන එල්ල වෙමින් පවතී.
       2020 ජූනි 12
     *

ජල බිල : "රු. 5000 ආපහු ගන්න රජය හැදූ උපක්‍රමයක්"
       දින 30ක ජල පරිභෝජනය වෙනුවෙන් ඒකක 75ට වඩා වැඩි වූ විට ජලය ඒකකයක මිල රු. 140 දක්වා ඉහළ යන අතර සේවා ගාස්තුව ද ඉහළ යයි.
       2020 ජූනි 10

වැඩිපුරම කියැවූ

    1. 1
       කොළඹ වරායේ වර්ජනය සහ ඉන්දීය සම්බන්ධය ගැන මේ කරුණු දැන සිටියාද ?
    2. 2
       "ලෝකයේ විශාලම කබල්ලෑවා" ශ්‍රී ලංකාවෙන් සොයා ගැනේ
    3. 3
       බොට්ස්වානා අලි ඇතුන් සියගණනකට මරු කැඳවූ අභිරහස කුමක්ද?
    4. 4
       2020 මහ මැතිවරණය: අපේක්ෂකයෝ කවුද?
    5. 5
       ක්‍රිකට් ලෝක කුසලානය: 'තරඟ පාවාදීමක්' ගැන පොලිස් පරීක්ෂණය නවතී

   BBC News, සිංහල
     * ඔබට බීබීසී විශ්වාස කළ හැක්කේ ඇයි
     * භාවිතයේ කොන්දේසි
     * පෞද්ගලිකත්ව ප්‍රතිපත්තිය
     * කුකීස්
     * බීබීසී අමතන්න
     * AdChoices / Do Not Sell My Info

   © 2020 BBC. බාහිර වෙබ් අඩවිවල අන්තර්ගතයට බීබීසී වගකියනු නොලැබේ. බාහිර යොමු කෙරෙහි අපගේ ප්‍රවේශය ගැන කියවන්න.