Website URL:
   Homepage

Accessibility links

     * අන්තර්ගතයට පිවිසෙන්න
     * පිවිසීමට උදව්

   BBC Account
     * News
     * Sport
     * Weather
     * Radio
     * Arts
     * ඇතුළත් දේ පිළිවෙලින්

   සොයන්න
   News සිංහල 

BBC News සිංහල සොයා යාම

   
   අංශ
   
     * මුල් පිටුව 
     * ශ්‍රී ලංකා 
     * ලෝකය 
     * විශේෂාංග 

ශ්‍රී ලංකාව UN යෝජනාවෙන් ඉවත්වීම ICJ හෙළාදකී

     * 2020 පෙබරවාරි 28

     * මෙය බෙදාගන්න Facebook 
     * මෙය බෙදාගන්න Messenger 
     * මෙය බෙදාගන්න Twitter 
     * මෙය බෙදාගන්න ඊමේල් 
     * මෙය බෙදාගන්න Facebook 
     * මෙය බෙදාගන්න WhatsApp 
     * මෙය බෙදාගන්න Messenger 
     * මෙය බෙදාගන්න Twitter 
     * යවන්න 
       මෙය බෙදාගන්න
       බීබීසී යෙන් පිටත අඩවිවල යොමු. එබැවින් වෙනත් පිටුවක් විවෘත වේ
          + ඊමේල්
            මෙය බෙදාගන්න ඊමේල් 
          + Facebook
            මෙය බෙදාගන්න Facebook 
          + Messenger
            මෙය බෙදාගන්න Messenger 
          + Messenger
            මෙය බෙදාගන්න Messenger 
          + Twitter
            මෙය බෙදාගන්න Twitter 
          + WhatsApp
            මෙය බෙදාගන්න WhatsApp 
       මේ යොමුව පිටපත් කරන්න
       https://www.bbc.com/sinhala/sri-lanka-51664862
       මිතුරන්ට යැවීම පිළිබඳ
       බීබීසී යෙන් පිටත අඩවිවල යොමු. එබැවින් වෙනත් පිටුවක් විවෘත වේ
       (BUTTON) බෙදාගැනීමේ පැනලය වහන්න

   Image copyright Getty Images

   ශ්‍රී ලංකා රජයේ සම අනුග්‍රාහකත්වයෙන් එක්සත් ජාතීන්ගේ මානව හිමිකම් කවුන්සිලය 2015 වසරේදී සම්මත කරන ලද යෝජනාවෙන්, ශ්‍රී ලංකාව ඉවත්වන බව දැනුම් දීම "හෙළාදකින" බව විනිසුරුවරුන්ගේ ජාත්‍යන්තර කොමිසම (ICJ) පවසයි.

   2019 මාර්තු මස ශ්‍රී ලංකාවේ සම අනුග්‍රහයෙන් සම්මත කර ගන්නා ලද "සංහිඳියාව, වගවීම සහ මානව හිමිකම් ප්‍රවර්ධනය" මැයෙන් යුත් 40/1 යෝජනාවෙන් ඉවත්වීමට ශ්‍රී ලංකාව තීරණය කළ බව මානව හිමිකම් මණ්ඩලයට බදාදා (පෙබ. 26) දැනුම් දෙනු ලැබුවේ විදේශ අමාත්‍ය දිනේෂ් ගුණවර්ධන විසිනි.

   ඒ ජිනීවා නුවර පැවැත්වෙන එක්සත් ජාතීන්ගේ මානව හිමිකම් මණ්ඩලයේ 43 වෙනි සැසිවාරය අමතමිනි.

ජාත්‍යන්තර යාන්ත්‍රණයක්

   "සත්‍යය, යුක්තිය, වගවීම සහ සංහිඳියාව වෙනුවෙන් ඵලදායී පියවර ක්‍රියාවට නැංවීම ශ්‍රී ලංකා රජය විසින් ප්‍රතික්ෂේප කරනු ලැබීම, ජාත්‍යන්තර නීතිය යටතේ තම බැඳීම් උල්ලංඝනය කිරීමක්," බව විනිසුරුවරුන්ගේ ජාත්‍යන්තර කොමිසමේ ආසියානු හා ශාන්තිකර කලාපය භාර අධ්‍යක්‍ෂ ෆෙඩ්රික් රවුස්කි නිවේදනයක සඳහන් කර තිබේ.

   අදාළ යෝජනාවලියෙන් ඉවත්වීම නිසා, පවතින එකම විකල්පය ලෙස පෙනී යන්නේ මානව හිමිකම් උල්ලංඝනයන් පිළිබඳව ජාත්‍යන්තර මට්ටමින් විභාග කිරීම බව ඔහු සඳහන් කර තිබේ.

   "ජාත්‍යන්තර අපරාධ අධිකරණයට යොමු කිරීම, ජාත්‍යන්තර යාන්ත්‍රණයක් නිර්මාණය කිරීම සඳහා හදිසි පියවර ගැනීම හෝ සාර්වත්‍ර අධිකරණ බලයක් යෙදවීම ඊට ඇතුළත් විය හැකි" යැයි ද ඔහු තවදුරටත් සඳහන් කර ඇත.
   Image copyright UN Image caption විදේශ කටයුතු පිළිබඳ අමාත්‍ය දිනේෂ් ගුණවර්ධන සමුළුව අමතමින්

දිනේෂ්ගේ ප්‍රකාශය

   ශ්‍රී ලංකා රජයේ සම අනුග්‍රාහකත්වයෙන් සම්මත කරන ලද යෝජනාවෙන් ඉවත්වන නමුත් තිරසාර සාමයක් සහ සංහිඳියාවක් සඳහා යන ගමනට අවශ්‍ය වගවීම සහ මානව හිමිකම් සම්බන්ධයෙන් ජනතාව ලබා දුන් ඉලක්ක ජය ගැනීම පිණිස ශ්‍රී ලංකාව තවදුරටත් කැප වන බව විදේශ කටයුතු පිළිබඳ අමාත්‍ය දිනේෂ් ගුණවර්ධන ප්‍රකාශ කර තිබේ.

   පළමුව රජයේ ප්‍රතිපත්ති රාමුව අනුගමනය කරමින් දැනට පවත්නා යාන්ත්‍රණ යෝග්‍ය පරිදි අනුවර්තනය කර ගැනීම ඇතුළු සියල්ල අන්තර්ගත, දේශීය වශයෙන් නිර්මාණය කර ක්‍රියාත්මක කෙරෙන සංහිඳියා සහ වගවීමේ ක්‍රියාදාමයක් ඔස්සේ තිරසාර සාමය ළඟා කර ගැනීමට ශ්‍රී ලංකා රජයේ කැපවීම ද එහිදී ප්‍රකාශයට පත් විය.
   Image copyright Getty Images Image caption එක්සත් ජාතීන්ගේ මානව හිමිකම් පිළිබඳ මහ කොමසාරිස් මිෂෙල් බැෂලේ

මහ කොමසාරිස්වරිය

   මේ අතරතුර එක්සත් ජාතීන්ගේ මානව හිමිකම් මණ්ඩලයේ 43 වෙනි සැසිවාරය අමතමින් එහි මහ කොමසාරිස්වරිය සිය මණ්ඩලයෙන් ඉල්ලා සිටියේ ශ්‍රී ලංකාව අදාළ යෝජනාවලියෙන් ඉවත්වීම වලක්වා ගැනීමට සහ වගවීම ඉදිරියට ගෙනයෑම සඳහා ගත හැකි සෑම මාර්ගයක් ම පිළිබඳව සොයා බලන ලෙසය.

   ශ්‍රී ලංකා ආණ්ඩුව "වෙනස් ප්‍රවේශයක්" නිවේදනය කිරීම පිළිබඳව තමා කනගාටු වන බවද මහ කොමසාරිස්වරිය ප්‍රකාශ කළාය.

   "ආණ්ඩුව රටේ හැමදෙනාගේම සහ සෑම ජන කොට්ඨාශයකගේ ම අවශ්‍යතා සඳහා වැඩ කළ යුතුයි. විශේෂයෙන් ම සුළු ජන කොටස් පිළිගැනීම සහ ආමන්ත්‍රණය සිදුවිය යුතුයි." මහ කොමසාරිස් මිෂෙල් බැෂලේ පැවසුවාය.

   "විශේෂයෙන්, අතුරුදහන් වූවන් පිළිබඳ කාර්යාලය සහ වන්දි ගෙවීමේ කාර්යාලයට, දේශපාලන හා සම්පත් සහාය ලබා දෙන බවට සහතික වන ලෙස මම ආණ්ඩුව දිරිගන්වමි. සියලු ජන කොටස්වල අතුරුදහන් වූවන්ගේ පවුල්වලට යුක්තිය හා විසඳුම ලැබිය යුතුයි."

   පසුගිය වසර කිහිපය පුරා ලබා ගත් දියුණුව ආරක්ෂා කර ගැනීමටත් එය තවදුරටත් වර්ධනය කරගැනීමටත් කටයුතු කරන ලෙස ඇය ශ්‍රී ලංකා ආණ්ඩුවෙන් දැඩි ඉල්ලීමක් කළාය.

වාර්තාවක කරුණු

   එක්සත් ජාතීන්ගේ මානව හිමිකම් පිළිබඳ මහ කොමසාරිස් මිෂෙල් බැෂලේ විසින් ශ්‍රී ලංකාව සම්බන්ධයෙන් මානව හිමිකම් කවුන්සිලයේ සැසි වාරයට ඉදිරිපත් කරන ලද වාර්තාවේ ද කරුණු රැසක් මතු කර තිබේ.

   ඇය එම වාර්තාවෙහි සඳහන් කර ඇත්තේ, 30/1 යෝජනාවට අනුකූලව සංහිඳියාව, වගවීම සහ මානව හිමිකම් ප්‍රවර්ධනය කිරීමේදී ශ්‍රී ලංකාව යම් ප්‍රගතියක් ලබා ඇති බවය.

   එහෙත්, ශ්‍රී ලංකා ආණ්ඩුව දඬුවම් ලබා දීමට අපොහොසත් වීම හා ආයතන ප්‍රතිසංස්කරණය කිරීමට දක්වන නොහැකියාව නිසා මානව හිමිකම් උල්ලංඝණයවීම් නැවත ඇති වීමට හේතු විය හැකි බව එහි සඳහන් කර තිබේ.

   මේ අතර, ශ්‍රී ලංකාව සම්බන්ධයෙන් ක්‍රියාත්මක 30/1 යෝජනාවලිය සම්පූර්ණයෙන් ක්‍රියාත්මක කිරීම ප්‍රවර්ධනය කිරීම සඳහා ශ්‍රී ලංකා රජය සමග එක්ව කටයුතු කරන ලෙසත්, ශ්‍රී ලංකාවේ ප්‍රගතිය සමීපව නිරීක්ෂණය කරන ලෙසත් මානව හිමිකම් පිළිබඳ මහ කොමසාරිස්වරිය සිය වාර්තාවෙන් මානව හිමිකම් කවුන්සිලයෙන් ඉල්ලීමක් කර තිබිණ.

කියවන්න:

     * මානව හිමිකම් මණ්ඩලය: ඇමති දිනේෂ් ශ්‍රී ලංකාවේ ස්ථාවරය කියයි 
     * 30/1 යෝජනාවෙන් ඉවත් වීම ශ්‍රී ලංකාවට අවාසි ද?

සබැඳි විෂයයන්

     * එක්සත් රාජධානිය
     * දේශපාලනය
     * මානව හිමිකම්
     * එක්සත් ජාතීන්

මේ පුවත යවන්න මිතුරන්ට යැවීම පිළිබඳ

     * ඊමේල් 
     * Facebook 
     * Messenger 
     * Messenger 
     * Twitter 
     * WhatsApp 

   යලිත් උඩට 

BBC News සිංහල සොයා යාම

   අංශ
     * මුල් පිටුව 
     * ශ්‍රී ලංකා 
     * ලෝකය 
     * විශේෂාංග 

බී.බී.සිය සොයා යාම

     * News
     * Sport
     * Weather
     * Radio
     * Arts

     * භාවිතය පිලිබඳ කොන්දේසි
     * බී බී සි ය පිළිබඳව
     * රහස්‍ය බව පිලිබඳ පිලිවෙත
     * කුකීස්
     * පිවිසීමට උදව්
     * දෙමාපිය මග පෙන්වීම්
     * බීබීසී ය අමතන්න
     * Get Personalised Newsletters

   Copyright © 2020 බී.බී.සී. බාහිර අඩවිවල අන්තර්ගතය සම්බන්ධයෙන් බීබීසියේ වගකීමක් නොමැත. බාහිර යොමු පිලිබඳ ප්‍රතිපත්තිය.